Sin in viadi tras l'entir uvestgieu da Cuira – pia sur Glaruna, Nossadunnaun, Altdorf, Stans, Sarnen e Wädenswil – avain nus empruvà da chattar or, quant bain ch'ils catolics e las catolicas enconuschan lur uvestgieu da Cuira. En il chantun Uri, nua che var 80% da la populaziun è catolica, savevan ils passants fitg bler sur da l'uvestg. Per part savevan els schizunt tgi che fiss stà l'uvestg da Wilhelm Tell – sche quel avess vivì. Qua ina survista dals catolics els singuls chantuns e quant pertschient da la populaziun ch'els fan or:
Il pli paucs pertschients catolicas e catolics dat quai en il chantun Turitg. Ma tuttina: er els han el quiz davart l'uvestgieu speculà bain, tge paja ch'il uvestg survegn. Quels a Sarnen, ch'èn quasi il pli lunsch davent da l'uvestgieu da Cuira (161 kilometers), n'enconuscha dentant betg uschè bain lur uvestg. Els han dentant er survegnì las dumondas las pli grevas.
RR actualitad 12:00