Siglir tar il cuntegn

Header

Navigaziun

In esch d'in center per intermediaziun da lavur.
Legenda: La quota da dischoccupaziun è s'agumentada il schaner sin 2% en il Grischun. Reuters
cuntegn

Chantun In zic dapli dischoccupads il schaner

Il schaner eran 2’187 persunas senza lavur en il Grischun, quai èn 72 persunas dapli ch’il december. Sco quai che l’Uffizi per industria, mastergn e lavur communitgescha correspunda la quota da dischoccupaziun cunquai a 2%.

La pli auta quota dumbra vinavant la branscha da construcziun (929), la gastronomia (241) ed il commerzi en detagl (99).

Quota svizra s'augmenta per 0,1%

En l’entira Svizra è il dumber da dischoccupads s’augmenta per 3577 sin total 151’000 persunas, quai tenor il secretariat da stadi per l'economia SECO. Quai munta ina quota da dischoccupaziun da 3,5% u in augment da 0,1% dapli ch'il december da l'onn passà.

Dapli giuvens senza lavur

Tar ils giuvens tranter 15 e 24 onns è la dischoccupaziun medemamain creschida. Il schaner eran 19'500 persunas giuvnas senza lavur, quai èn 350 dapli ch'il december.

RR novitads 08:00