Siglir tar il cuntegn

Chantun In terz dapli dischoccupads en il Grischun

Il mais d'avrigl è la quota da dischoccupaziun s'augmentada en il Grischun per bun in terz en cumparegliaziun cun il mars. Raschun principala è la fin da la stagiun d'enviern.

Center per intermediaziun da lavur, davostiers in um che sesa sin ina sutga.
Legenda: Pervi da la fin da la stagiun d'enviern è il dumber da dischoccupads s'augmentà l'avrigl en il Grischun. Keystone

L’avrigl passà èn 2'076 persunas stadas senza lavur en il Grischun. Quai correspunda ad ina quota da dischoccupaziun da 1,9%, scriva l’Uffizi per industria, mastergn e lavur dal Grischun. Tar ils dischoccupads vegnan anc 1'124 persunas che n'han nagina lavur, na tutgan dentant betg tar ils dischoccupads. Quellas persunas èn a la tschertga d'ina plazza, frequentan però er scolaziuns e pussaivladads da lavur dals centers d'intermediaziun da lavur.

Legenda:
– Dumber da dischoccupads: Cliccar sin ils onns per activar e deactivar las lingias per cumparegliar la dischoccupaziun da differents onns Cifras da l'Uffizi d'industria, mastergn e lavur GR (stan 08-05-2018)

En cumparegliaziun cul mais avant hai dà l'avrigl bun in terz dapli dischoccupads (1'541 dischoccupads). La raschun per quest augment da la dischoccupaziun l’avrigl stettia en connex cun la fin da la stagiun d’enviern en il turissem. En l’entira Svizra è il dumber da dischoccupads ì enavos – da passa 130'000 dischoccupads sin sut 120'000. La quota munta a nivel naziunal 2,7%.

Legenda:
Quota da dischoccupaziun: Cliccar sin ils onns per activar e deactivar las lingias per cumparegliar la quota da dischoccupaziun da differents onns Cifras da l'Uffizi d'industria, mastergn e lavur GR (stan 08-05-2018)

RR novitads 08:30