Siglir tar il cuntegn
cuntegn

Chantun In sco Urs Cadruvi vegn giavischà

Suenter la demissiun dil secretari general da la Lia Rumantscha Urs Cadruvi vegnan las speculaziuns davart la successiun a cumenzar bainbaud. Las uniuns affiliadas giavischan ina persuna cun in profil sco Urs Cadruvi.

Urs Cadruvi suenter nov onns en uffizi sco secretari general da la Lia Rumantscha.
Legenda: Urs Cadruvi ha demissiunà suenter nov onns en uffizi sco secretari general da la Lia Rumantscha. mad

Tant Vitus Gartmann da la Surselva Romontscha, Zegna Pittet-Dosch da l’Uniun Rumantscha Grischun Central, sco era Jon Carl Tall da l’Uniun dals Rumantschs en la Bassa èn stads fitg cuntents cun la lavur dad Urs Cadruvi e giavischan ina successura u in successur cun il medem profil.

Tenor Annalea Stuppan da l’Uniun dals Grischs saja impurtant che la persuna che succeda enconuschia quai ch’è capità en la discussiun areguard il Rumantsch Grischun.

RR acutalitad 17:00