Chantun - In pachet statal da salvament è la faussa via
La sessiun da favrer dal Cussegl Grond ha cumenzà. En ses pled d’avertura ha il president dal Cussegl Grond, Duri Campell, accentuà las grondas sfidas che spetgan il Grischun quest onn.
Cunzunt il turissem spetgia in temps difficil pervia da la situaziun da l’euro. Pretender in pachet statal da salvament saja fauss. I dovria dentant concessiuns da tuttas varts.
Ed il Cussegl Grond stoppia reveder la lescha davart il svilup economic tant pli spert. La tractanda principala da questa sessiun è l’iniziativa che vul abolir la chatscha speziala.
