Siglir tar il cuntegn

Header

cuntegn

Chantun In nausch onn per las vespras

Mintga stad èsi il medem. Las vespras mulestan durant la grillada, durant la gervosa fraida u durant ch’ins giauda in glatsch – normalmain. Questa stad èn las vespras dentant bler pli pauc activas.

La stad 2016 na saja propi betg ina stad da vespras. Quai han constatà eras differentas firmas che cumbattan insects. Uschia er Robert Cathomas cun firma a Glion.

audio
Bunura: 2016 n’è betg in onn da vespras
ord Actualitad dals 25.08.2016.
laschar ir. Durada: 1 minuta 48 Secundas.

«ll fanadur n'hai quasi gì naginas vespras, uss l’avust hai cumenzà a vegnir, ma la quantitad è bler pli pitschna che l’onn passà». Robert Cathomas di ch’el saja stà il fanadur 10 giadas pli pauc en acziun pervia da vespras ch'il 2015. L’onn passà è dentant era stà in onn da vespras ch’i na dat betg mintg’onn.

Primavaira frestga e bletscha

En l’entir Grischun è la primavaira stada bletscha e frestga. Bleras reginas na sajan uschia betg vegnidas da far igniv.

Tuttina savessan las vespras anc vegnir pli activas. Sch’i resta bell’aura sco actualmain, savessan las vespras era pir vegnir il settember manegia Robert Cathomas.

Artitgels legids il pli savens