Siglir tar il cuntegn
Inhalt

Chantun Ils peschs dovran ils pestgaders

11’000 pestgaders e pestgadras datti en il Grischun, e quels na pon strusch spetgar il cumenzament da la stagiun da pestga. Dovri pestgaders u è quai in divertiment finanzià dal chantun?

Radunanza dals delegads da la federaziun chantunala dals pestgaders grischuns
Legenda: Radunanza dals delegads da la federaziun chantunala dals pestgaders grischuns RTR/ Angela Hendry

Chatschadurs dovri, per ch’i na dettia betg ina surpopulaziun da selvaschina. Ma pestgaders? Memia blers peschs na datti betg en ils flums grischuns, plitost il cuntrari. E tuttina dovri ils pestgaders grischuns, di il cusseglier guvernativ Mario Cavigelli a chaschun da la radunanza da delegads da la federaziun chantunala dals pestgaders grischuns. Els sa gidian cun l’uffizi cumpetent per mantegnair ils flums ed ils peschs.

Pestgar è tradiziun

Era Georg Brosi di, ch’ils pestgaders sajan in agid, era tar l’allevament. La pestga tutga tar nossa cultura e vegn stimada en la populaziun. Tgi na mangia betg gugent in pesch indigen?

Nursas en pail da lufs?

L’incumbensa dals pestgaders saja da procurar ch’i dettia dapli peschs en l’aua ch’en la chazzetta da brassar, di Adrian Taisch da la suprastanza da la federaziun chantunala dals pestgaders grischuns. Èn ils pestgaders pia ina sort nursas en pail da lufs, u cuntrari?

RR actualitad 08:00