Las prognosas mussan ch'i resta l'entira emna fitg chaud en l'entira Svizra. Las temperaturas creschan sin var 35 grads. Cler, che quai è ina gronda sfida per ils 9'800 recruts che han cumenzà il glindesdi la scola da recruta en Svizra. 570 recruts a Cuira.
Tenor Daniel Steiner, cummandant da la infanteria RS 12, na sajan las temperaturas autas dentant betg in grond problem. Las emprimas emnas na sajan betg uschè strentgas. Uschia stattan per exempel nagins marschs sin il program. Tuttina vegn guardà che ils recruts baivan avunda tar questas temperaturas autas.
E las activitads giuadora vegnan fatgas, sche pussaivel, l'avantmezdi cura ch'i n'è anc betg uschè chaud:
Cumenzà in nov chapitel da sia vita ha, tranter auter, Pierin Simonet da Stierva. Tenor el saja impurtant da baiver avunda e plinavant spera el che l'armada è in zic pli toleranta pertutgant il tenue verd las proximas emnas.
TR Telesguard 17:40