Siglir tar il cuntegn
cuntegn

Chantun Ils battasendas grischuns a Cuira

Il champ da Tschuncaisma è in highlight per ils battasendas dal Grischun. Var 300 battasendas han mess si lur tendas questa giada a Cuira sin l'Obere Au. E tgi tegna en egl il champ cur ch'ils battasendas èn ordador?

En in champ cun var 300 battasendas èsi dad aut. Dentant lura vegn il mument, nua ch'ils battasendas fan, quai che battasendas fan il pli gugent: ir en la natira, absolver differents posts, leger chartas, dar segns da Morse, bajegiar si tendas, tschertgar stgazis etc.

Insatgi resta dentant adina enavos en il champ - er cura che tut ils battasendas èn sgulads ora. A Cuira la dumengia avant mezdi è quai Tweety, sco ch'ella vegn numnada tranter battasendas. La giuvna da 20 onns è da Cuira e maina la «Maitlapfadi» da la citad. Ordaifer dals battasendas sa numna ella Alicia Hardegger. Ella mussa il champ vit.