Siglir tar il cuntegn
cuntegn

Chantun Il suveran grischun duai s'exprimer davart il plan d'instrucziun

En chaussa plan d'instrucziun 21 duai il pievel grischun avair l'ultim pled en chapitel quai pretenda l'iniziativa dal pievel «Per ina buna scola grischuna - participaziun dal pievel tar ils plans d'instrucziun»ch'è vegnida lantschada l'emprim d'october dal comité «Gute Schule Graubünden».

dessegn, tavla cun in trianghel geometric, ina scolara dasperas
Legenda: Il plan d'instrucziun 21 dat vinavant da discurrer bler. SRF

Tenor Marlies Klesse dal comité è l'iniziativa la suletta pussaivladad, cunquai che la regenza ha la cumpetenza d'edir il plan d'instrucziun. Per ch'il pievel haja era in pled en il chapitel dovria l'iniziativa che mida la lescha da scola u la constituziun.

L'iniziativa vul surdar la cumpetenza da decisiun al Cussegl grond ed uschia avess il suveran da pudair prender posiziun cun in referendum facultativ.

Dal comité d'iniziativa fan part persunas d'instrucziun e geniturs.

RR novitads 17:00