Sco quai che l'Uffizi chantunal per il guaud e privels da la natira communitgescha, n'hajan però betg tut ils territoris survegnì avunda aua. Perquai saja er vinavant dad esser precaut cun far fieu en il liber.
Tenor Meteo Svizra è il fanadur 2015 stà da la vart dal sid da las Alps, en l'Engiadina, en il Vallais ed en la Svizra franzosa il pli chaud mais, dapi ch’ins ha cumenzà a mesirar il 1864. E la temperatura mensila è stada en media 3 fin 4 grads sur la norma dals onns 1981 fin 2010.