Suenter in lung vi e nà san ins uss dapli davart il futur dal parc d’animals a Cuira. Il possessur Thomas Domenig senior ha numnadamain communitgà, ch’il parc na serria betg sias portas.
Il purtret dal parc sa mida dentant considerablamain. I dat midadas en trais puncts:
- L’ustaria vegn serrada
- Ils animals vegnan reducids sin 10 fin 15
- Ils parcadis vegnan a custar
En emprima lingia spera Thomas Domenig senior da pudair sminuir uschia il deficit da 300’000 francs. Da l’auter maun persequitescha il possessur er ina nova strategia: Numnadamain da metter dapli paisa sin ina purschida da plazzas da gieus per uffants.
RR actualitad 06:20