Siglir tar il cuntegn
Inhalt

Chantun Il mustgin-tigher è confermà en Grischun

In monitoring chantunal ha cumprovà ch'il mustgin exotic è sa chasà tant en il sid sco er en il nord dal Grischun. Quai mussa ina perscrutaziun da l'uffizi chantunal per la natira e l'ambient, communitgescha il chantun.

Il mustgin piztga.
Legenda: Il mustgin-tigher en acziun. mad

Il mustgin-tigher è vegni cumprovà tras in monitoring da l'uffizi chantunal per la natira e l’ambient. En 15 da radund 100 traplas ch'ils perscrutaders han mess han els chattà ovs da mustgins-tighers. I sa tracta da traplas en las vischnancas da San Vittore, Roveredo e Grono al sid dal Grischun ma er als pausadis da l’autostrada A13 a Tusaun ed al Heidiland en il nord dal chantun.

Ils mustgins-tigher exotics prefereschian cundiziuns climaticas miaivlas e viageschian savens sco passagiers clandestins en vehichels, scriva l'uffizi.

Il chantun ha uss elavurà mesiras da protecziun per la populaziun e recumonda cunzunt da sientar regularmain pitschnas accumulaziuns d’aua sco en vasas da flurs en il liber u er en bigls d’utschels.

RR novitads 11:00