Siglir tar il cuntegn
Inhalt

Chantun Il Grischun sco chantun ospitant a la Fête des Vignerons

Il chantun Grischun sa participescha sco chantun ospitant a la Fête des Vignerons, quai scriva la regenza grischuna.

Fête des Vignerons.
Legenda: La Fête des Vignerons, ina da las festas las pli popularas en la Svizra Romanda. Keystone

Il chantun Grischun sa participescha sco chantun ospitant a la Fête des Vignerons. La Fête des Vignerons è ina festa da viticulturs cun lunga tradiziun ed ina da las grondas festas popularas en la Svizra romanda. Possessurs da vignas s'inscuntran e premieschan publicamain lur megliers vins.

La proxima festa ha lieu dals 18 da fanadur fin ils 11 d'avust 2019. Ils organisaturs spetgan cun mintgamai 20'000 aspectaturs per las 20 represchentaziuns ch'èn preschentadas dad acturs. E cun 40'000 persunas al di che visitan la festa da citad libra. Cun la participaziun profitescha il Grischun da pudair sa preschentar sia diversitad culturala e linguistica sco er sias cuntradas multifaras durant ils dis chantunals.

Patrimoni cultural

Dapi il december 2016 fa ella part dal patrimoni cultural immaterial da la UNESCO.

RR novitads 09:00