Siglir tar il cuntegn
cuntegn

Chantun Il Grischun sa prepara sin blers fugitivs

L'Uffizi federal da migraziun spetga per questa stad circa medem blers fugitivs sco l'onn passà. D'ina situaziun schluccada na vul Christian Rathgeb, directur da l'Uffizi chantunal da giustia, betg discurrer.

Fugitivs a maisa en in center d'asil.
Legenda: En il Grischun èn ils otg centers gia ussa occupads per 70 fin 90%. Keystone

Uschè blers centers da transit n'ha quai anc mai dà en Grischun. E tuttina na vegnan las capacitads en ils otg centers er questa stad betg a bastar. Perquai saja il Grischun pront da prender en funcziun centers temporars, di Christian Rathgeb.

Gia uss sajan ils otg centers numnadamain occupads per 70 fin 90%. Uschia na restia nagut auter che d'augmentar las capacitads cun prender en funcziun centers temporars en alloschis da la protecziun civila, per exempel a Cuira u a Domat.

Grischun fa pretensius a la Confederaziun

Il cusseglier guvernativ responsabel fa dentant era pretensiuns cleras a la Confederaziun. Quella duai augmentar las capacitads dal corp da guardias da cunfin, avair avunda persunal tar il servetsch da novitads e registrar ils fugitivs. E la Confederaziun duai era procurar che requirents che na pon betg restar, vegnian tramess enavos en lur pajais.

RR actualitad 07:10