Siglir tar il cuntegn
Inhalt

Chantun Il Grischun n'exagerescha betg cun leschas

En cumparegliaziun cun auters chantuns en Svizra è il Grischun moderà en relaschar e midar leschas ed ordinaziuns.

In char plain cudeschs da leschas.
Legenda: Savens hai num ch’i fiss da far urden cun la massa da leschas e reducir il dumber. Keystone

Uschia datti er paucas regulaziuns en cumparegliaziun cun auters chantuns, e l’activitad dal chantun per regular saja er sut la media. Quai mussa in studi scientific, fatg sin incumbensa dal chantun Grischun dal Center per scienza legislativa a l’Universitad da Turitg.

Dependent da Berna

Las bleras regulaziuns dettia en ils champs dal dretg da scola, dal dretg da sanadad e da l’organisaziun statala, scriva la regenza grischuna. In’influenza impurtanta en quest connex haja il dretg federal, che sforzia ils chantuns da relaschar leschas ed ordinaziuns.

Satisfacziun a Cuira

Sco conclusiun scriva la regenza, ch’ella saja satisfatga dals resultats. Quels laschian supponer ch’i n’existia almain nagin basegn general da deregulaziun tar il chantun Grischun.

RR Novitads 09:00