Da Val e da San Murezzan, or da la pratica ed or da la perscrutaziun èn els arrivads: Passa 150 participantas e participants èn sa scuntrads la mesemna suentermezdi al novavel Forum da trend turissem grischun.
Envidà ha la Scol'auta da tecnica ed economia HTW a Cuira. Da differentas varts èn ils participants s’avischinads a la dumonda da la digitalisaziun or da la perspectiva dals giasts ed a ses basegns en il mund da vacanzas digitalisà.
Tranter els era er Philipp Ries, responsabel per il tema turissem tar Google Svizra. El ha referì davart l’infrastructura digitala ch’il giast spetga ozendi. Avant ha el dentant anc gì trais tips per tut las interpresas pitschnas e mesaunas (ils uschenumnads KMU) co sa vender il meglier en la rait.
RR actualitad 07:00