Chantun - Il di da jodladers – la glieud traglischa
A Lai è vegnì festivà il 44avel di da jodladers grischun, quai tar fina bell’aura. Passa 200 chantadurs e chantaduras han giudì da cultivar la tradiziun.
Sco emprim hai dà in til, cun jodladers e jodladras, sunatibas, stgelladers, il club da tractors dal Grischun central, ina muntanera chauras e viturins. Giuven e vegl ha persequità cun interess il til.
Ins vesa co la glieud traglischa, sco l'aura en las fatschas.
audio
Bunura: Di dals jodladers grischuns – impreschiuns da la festa
04:24 min, ord Actualitad dals 18.06.2018.
laschar ir. Durada: 4 minutas 24 Secundas.
Il sentiment da patria collia
Arrivads sin la plazza scola han tut ils jodladers e tut las jodladras chantà da cuminanza duas chanzuns, sut la batgetta da Hany Küttel, la dirigenta da l'Älplerchörli Vaz, ch'ha organisà la festa.
Ils jodladers è tut glieud legra, quai sa il Nossegner, perquai fa el vegnir il sulegl.
Zona da ruaus, ma nagina valitaziun
Suenter il gentar han tut las furmaziuns pudì sa preschentar en la baselgia catolica da Lai, cun mintgamai ina chanzun. L’interess è stà grond. La baselgia era plaina ed inqual n’ha betg pudì seser. Valitaziun n’hai dentant dà nagina, en il center stettian la cuminanza ed il plaschair.