Chantun - Il di da jodladers – la glieud traglischa

1 / 16

Legenda: Cusseglier guvernativ Martin Jäger n'è betg mo giast d'onur, mabain era sez jodlader. RTR/ Angela Hendry

2 / 16

Legenda: Las 3 mattettas èn pinadas per il til. RTR/ Angela Hendry

3 / 16

Legenda: Era la musica da Vaz/Lai è da la partida. RTR / Angela Hendry

4 / 16

Legenda: Las chauras mangian anc in zic pastg, per ch'ellas na vegnian betg gnervusas pervi dal til. RTR/ Angela Hendry

5 / 16

Legenda: Era ils chavals èn schics. RTR / Angela Hendry

6 / 16

Legenda: Il club da tractors dal Grischun Central èn era da la partida. RTR / Angela Hendry

7 / 16

Legenda: Da fina bell'aura han ils 200 jodladers e jodladras pudì sa preschentar a Lai. RTR / Angela Hendry

8 / 16

Legenda: Ils «Trychlerfründe Horrenbach» dal chantun Berna han fatg la detga canera. RTR / Angela Hendry

9 / 16

Legenda: Giuven, vegl ed animals èn sa participads al til dal di da jodladers a Lai. RTR / Angela Hendry

10 / 16

Legenda: Las chauras cun effect da jö! RTR / Angela Hendry

11 / 16

Legenda: Las trais damas d'onur han buna luna. RTR / Angela Hendry

12 / 16

Legenda: La dirigenta Hany Küttel ha dirigì tut ils 200 chantadurs e chantaduras. RTR / Angela Hendry

13 / 16

Legenda: Tut ils chors han chantà communablamain duas chanzuns. RTR / Angela Hendry

14 / 16

Legenda: Sepp Dannacher (san.), president dal comité d'organisaziun, è fitg cuntent cun il di da jodladers a Lai. RTR / Angela Hendry

15 / 16

Legenda: En sala da festa hai dà spaisa e bavronda. RTR / Angela Hendry

16 / 16

Legenda: Ils concerts èn stads en la baselgia catolica a Lai, la baselgia era pli che plaina. RTR / Angela Hendry

Sco emprim hai dà in til, cun jodladers e jodladras, sunatibas, stgelladers, il club da tractors dal Grischun central, ina muntanera chauras e viturins. Giuven e vegl ha persequità cun interess il til.

Ins vesa co la glieud traglischa, sco l'aura en las fatschas.

audio

Bunura: Di dals jodladers grischuns – impreschiuns da la festa

04:24 min, ord Actualitad dals 18.06.2018.

laschar ir. Durada: 4 minutas 24 Secundas.

Il sentiment da patria collia

Arrivads sin la plazza scola han tut ils jodladers e tut las jodladras chantà da cuminanza duas chanzuns, sut la batgetta da Hany Küttel, la dirigenta da l'Älplerchörli Vaz, ch'ha organisà la festa.

Ils jodladers è tut glieud legra, quai sa il Nossegner, perquai fa el vegnir il sulegl.

Zona da ruaus, ma nagina valitaziun

Suenter il gentar han tut las furmaziuns pudì sa preschentar en la baselgia catolica da Lai, cun mintgamai ina chanzun. L’interess è stà grond. La baselgia era plaina ed inqual n’ha betg pudì seser. Valitaziun n’hai dentant dà nagina, en il center stettian la cuminanza ed il plaschair.