Siglir tar il cuntegn

Chantun «Il cumbat electoral ha survegnì paiver»

Cun las sentenzias da la WEKO ha il cumbat electoral survegnì paiver. In commentari da Flavio Bundi, schefredactur RTR.

Legende: Audio Mezdi: Cartels e cumbat electoral – commentari Flavio Bundi abspielen. Laufzeit 3:02 Minuten.
3:02 min, Actualitad dals 27.04.2018.

Per Andreas Felix è il cumbat per la regenza grischuna passà. El ha pers sia credibilitad ed ha nagina schanza pli da vegnir elegì. El sto sa retrair. Sco mainafatschenta da l'uniun d'impressaris ha el disditg. Co fissi lura sch'el maina in entir departament?

Auter vesi or per Jon Domenic Parolini. El vegn er suenter questa istorgia probablamain a restar en la regenza grischuna. Per ch'il suveran Grischun n'elegia betg pli in cusseglier guvernativ dovri bler.

Profitar da la situaziun po Peter Peyer. El è uss en la poleposition. La dumonda centrala è, tgi che survegn las vuschs da Felix. Ina part vegn per franc da bun als candidats da la PCD. Per Caduff na vegni dentant tuttina betg a tanscher.

En ina buna situaziun è Walter Schlegel da la PPS. La situaziun actuala ed er la realitad politica prevesa in candidat per mintga partida, damai er per la pli ferma – la PPS.

RR Commentari 12:00