Siglir tar il cuntegn
cuntegn

Chantun Il Christkindlimarkt a Cuira vegn pli gronds

Prest tunan ils scalins da bambin e las lampas traglischan da tut las colurs. Dapertut èsi pussibel da visitar in stan da Nadal. Uschia era en la chapitala dal Grischun. Per la quarta giada san ins visitar il Christkindlimarkt a Cuira, che cumenza la gievgia, ils 24.11.2016.

ils novs stans da Nadal sin la via da la staziun.
Legenda: ils novs stans da Nadal sin la via da la staziun. IO
Il niev plan dal Christkindlimarkt a Cuira
Legenda: Il niev plan dal Christkindlimarkt a Cuira http://www.christkindlimarkt-chur.ch/

Durant ils davos trais onns ha il Christkindlimarkt gì lieu en la citad veglia da Cuira, sin la via da la posta. Dapi quest onn datti era stans sin la via da la staziun, avant il Manor, sco era sin il plaz Alexander. La fiera ha or da quest motiv survegnì dapli stans ed e uschia vegnida pli lunga.

Tge che è era in motiv per igl engrondiment envers la via da la staziun èn las staziuns da la via da la posta. Blers stans han curclà ils davos onns lur entrada. Suenter reclamaziuns han ins ussa stuì schliar quest problem cun midar posiziun da insaquants stans.

RR actualitad 17:00