Siglir tar il cuntegn
Inhalt

Chantun Il chantun Turitg vul anc adina in uvestgieu Turitg

Il cussegl sinodal da la baselgia catolica en il chantun Turitg animescha dad examinar anc ina giada seriusamain in uvestgieu Cuira-Turitg e la varianta uvestgieu Turitg. Las preparativas per quel eran progredidas ils onns 2005 fin 2008 gia fitg bain.

Ils bejetgs dal hof a Cuira.
Legenda: Hof a Cuira: L'uvestgieu da Cuira è sut squitsch. Blers a Turitg vulan in uvestgieu Turitg. Keystone

En in scriver a l'uvestg da Cuira Vitus Huonder accentuescha il cussegl sinodal da la baselgia catolica en il chantun Turitg ch'ils arguments per in uvestgieu sulet da Turitg sajan gia dapi il 1980 sin maisa e sajan il mument pli actuals ch'insacura.

In uvestg per stgars 400’000 catolics el chantun Turitg saja da beneventar fitg ord vista pastorala. Contacts persunals e curtas vias da decisiun promovian e faciliteschian la collavuraziun. Ed betg il davos ord perspectiva ecumena fiss in uvestgieu da Turitg be d’avantatg, scriva il cussegl sinodal da la baselgia catolica en il chantun Turitg.

RR novitads 16:00