Siglir tar il cuntegn
Inhalt

Chantun Il chantun impunda 38 milliuns per il traffic public

Per quest onn ha la regenza grischuna fixà las contribuziuns per il traffic public sin 38 milliuns francs.

Trens a la staziun da Cuira.
Legenda: La staziun da Cuira. Keystone

Sco la chanzlia chantunala communitgescha, importan ils custs totals betg cuvrids per il traffic public previsiblamain bun 140milliuns francs. Da quels surpiglia la confederaziun quasi trais quarts. Il chantun paja ina contribuziun da 24,7 milliuns francs. Il chantun emposta ultra da quai prestaziuns supplementaras en il traffic da persunas en la dimensiun dad 11,2 milliuns francs. Quai per part er sco mesira per promover il traffic public. Ensemen cun ils 1,6 milliuns francs per il manaschi dal traffic da rauba che sto vegnir finanzià ensemen cun la confederaziun, resulta pia ina contribuziun chantunala da totalmain 37,5 milliuns francs per l'onn 2018.

RR novitads 09:00