Siglir tar il cuntegn

Chantun Il chantun fa in sbagl da calculaziun e las vischnancas pateschan

Il chantun ha orientà las vischnancas grischunas ch’i dettia midadas tar la gulivaziun da finanzas chantunala 2016. Quai pervi d’in sbagl da furmla. Uschia saja il potenzial da resursas per 2,4% betg vegnids resguardads.

La Val Lumnezia.
Legenda: Tge midadas spetgan las vischnancas Il chantun ha communitgà ch'el haja calculà faus las contribuziuns da la gulivaziun da finanzas 2016. RTR, L. Livers

Sco quai ch'il departament da finanzas communitgescha saja capità in sbagl en ina furmla quai che muntia correcturas tar l'index dal potenzial da resursas per 2,4%. Quest index stoppian vegnir calculà per mintga vischnanca annualmain sin la basa da las cifras da taglia e per part dals tschains d’aua. Sin la summa totala da 50 milliuns francs fa quai ora 1,35 milliuns francs dapli.

Tge munta quai concret per las vischnancas

Per las vischnancas munta quai midadas tar las contribuziuns. 23 han da pajar dapli en la gulivaziun u survegnan pli pauc, tar 23 na mida nagut e 69 vischnancas survegnan dapli. Questas midadas vegnan quintadas giu cun l'onn 2017.

RR novitads 12:00