Siglir tar il cuntegn
Inhalt

Chantun «Ideas sa laschan realisar meglier en ils Stadis Unids»

Na, en il Stadis Unids n'è insumma betg tut meglier - bleras chaussas van dentant in zic pli simpel e pli spert. Sin invit dals impressaris ha il schurnalist d'economia Jens Korte referì a la radunanza generala a Maiavilla.

Il maletg mussa ilmainafatschenta dals impressaris grischuns Andreas Felix, il schurnalist d'economia Jens Korte ed il president dals impressaris grischuns Markus Derungs.
Legenda: Il schurnalist d'economia Jens Korte circumdà dal mainafatschenta Andreas Felix e dal president Markus Derungs. RTR / nc

Jens Korte ha dà in'invista en l'economia globala, il si e giu da las bursas e novs trends da l'economia americana. Bain dettia era obstachels da birocrazia en ils Stadis Unids. Cumpareglià cun l'Europa e la Svizra, saja dentant pli simpel da realisar ideas novas e frestgas.

Ils americans han plitost la mentalitad d'empruvar e pir lura da s'occupar cun las consequenzas.
Autur: Jens KorteSchurnalist independent d'economia

Surtut il sectur d'abitaziuns fa quitads

La societad grischuna dals impressaris annunzia per l'onn 2015 in minus da 6,8% en la branscha da construcziun auta cumpareglià cun l'onn 2014. La culpa da questa digren saja tranter auter la lescha cunter segundas abitaziuns, communitgescha la societad dals impressaris.

In lev plus dat i dentant dà sin il champ da construcziun bassa. Quà po il Grischun nudar in plus da 0,3%. Oz ha la societad grischuna dals impressaris tegnì sia radunanza generala. Là èn vegnids preschentads ils detagls dal svilup e tractadas las schliaziuns per il futur.