Siglir tar il cuntegn
Inhalt

Chantun I dat agid per conflicts sin las alps

Conflicts tranter persunal e schefs d’alps, sustegn tar la lavur u crisas psichicas. Tut quai po schabegiar durant ina stagiun d’alp. Per da quests cas san pasturs e signuns retrair divers agids.

Ina dunna che cloma lur muvel.
Legenda: Ina stagiun d'alp e cumpigliada cun lavur intensiva. Keystone

Per il persunal è ina stagiun d’alp in temp intensiv e lung. E durant quest temp poi er vegnir tar conflicts, saja quai tranter il persunal ed ils purs u tranter il persunal sez. Principalmain sin alps da latg, nua ch’il persunal sa metta ensemen da differentas persunas, poi dar tals conflicts.

E nua ch’igl ha differentas persunas datti differentas opiniuns, e quai maina enconuschentamain gugent tar chaus cotschens. Pia, tge che schabegia en mintga cuminanza d’abitar è era pussaivel en la idilla da la natira.

Agid tar conflicts san ins retrair tar ils cussegliaders dal Plantahof. Il team enturn Batist Spinatsch, manader da cussegliaziun dal Plantahof, visita las alps, intermediescha e cusseglia. In auter med d’agid è l’alpofon. La pon ils schefs d’alps, pasturs e singuns telefonar e differentas organisaziun procuran per agid.

RR actualitad 07:00