Siglir tar il cuntegn

Header

Navigaziun

Legenda: Guardar il video Speranza en ils gieus olimpics 2026. Durada 02:20 minutas.
Or da Actualitad video dals 29.01.2016.
cuntegn

Chantun Hotelleriesuisse Grischun: la crisa cuntinuescha

Hotelleriesuisse Grischun fa gronds quitads per l’hotellaria grischuna. Ses cussegl a la radunanza da delegads a Scuol: porscher qualitad e mirar enavant.

La situaziun actuala da l’hotellaria grischuna è stada en il center da la radunanza. Dapi ils 15 schaner 2015, nua ch’il curs ferm dal franc e vegnì abolì, è l’hotellaria e cun quai er il turissem en la crisa. Las cifras da las pernottaziuns en il Grischun èn en il minus e l’enviern actual na para betg da vegnir meglier.

Ina soluziun n’ha Hotelleriesuisse betg. Sia devisa resta da porscher vinavant qualitad e tegnair la dira. Tenor prognosas dad Ernst Wyrsch, hotelier e president da Hotelleriesuisse Grischun, dura la crisa almain anc 2 enfin 3 onns.