Siglir tar il cuntegn

Chantun Hotellaria grischuna ha patì la stad passada

La hotellaria grischuna ha registrà dal matg fin l'october 175'309 pernottaziuns pli pauc ch'il medem temp da l'onn passà. En total èn ils letgs stads 2'068'130 giadas.

Legende: Video Cifras paupras: pernottaziuns en Val S. Pieder abspielen. Laufzeit 3:29 Minuten.
Or da Telesguard dals 07.12.2015.

Cumpareglià cun l'onn passà resulta per la hotellaria grischuna in minus total da -7.8%, communitgescha l'Uffizi grischun per economia e turissem. Pertutgadas èn surtut las destinaziuns Partenz (-20.6%), Mustér Sedrun (-19.3%) ed Arosa (-15.2%). Cun grondas differenzas regiunalas han pliras destinaziuns era registrà in plus: Signuradi (+10.2%) e Savognin / Beiva / Alvra (+14.5%).

Legenda:
Pernottaziuns GR (stad 2015): Danunder ch'ils turists èn vegnids en il Grischun dal matg fin l'october 2015. Uffizi per economia e turissem GR

Mancar mancan surtut ils giasts dals vischins europeans, nua ch'il dumber è tschessà per part per passa 30%. Quai che la carschen da pernottaziuns da giasts da l'Asia na po betg cumpensar.

Anc pli cotschnas èn las cifras medias dals ultims 5 onns: -13%

Resguardont las cifras medias dals ultims 5 onns resulta la cifra media da 2'377'161 pernottaziuns per mintga stad, e cunquai in minus da -13%. Dad attribuir è la digren actuala al ferm franc svizzer.

Legenda:
Pernottaziuns GR (stad 2015): Svilup da las destinaziuns grischunas dal matg fin l'october 2015 cumpareglià cun la media dals ultims 5 onns. Uffizi per economia e turissem GR

RR novitads 10:00