Siglir tar il cuntegn

Header

cuntegn

Chantun Harry Potter e ses figl striunà

Fans da Harry Potter pon sa legrar. Davent da sonda pon ins cumprar il nov cudesch «Harry Potter und das verwunschene Kind». Dentant, el n'è betg in tom sco usità...

audio
Mezdi: Nov cudesch da Harry Potter
ord Actualitad dals 21.09.2016.
laschar ir. Durada: 4 minutas 25 Secundas.

«Harry Potter and the cursed child» - uschè sa numna il titel dal teater che ha festivà ils 30 da zercladur premiera a Londra. Geabain. In teater. Joanne K. Rowling ha tschernì per la cuntinuaziun da ses bestsellers cun e sur dal giuven striun Harry Potter la furma dal teater. Ed il nov cudesch che cumpara sonda per tudestg è perquai er betg in cudesch classic cun text cuntinuant, mabain il script dal teater - che l'autura ha dal reminent betg scrit be suletta, mabain cun l'agid da Jack Thorne, scenarist, e John Tiffany, reschissur.

I fa in zic la pareta da fan-fiction

La furma cun narratur e dialogs è in zic nunusitada da leger Harry Potter ed uschia mancan mintgatant las descripziuns, ils detagls. Tut va plitost spert. Las scenas siglian dad in lieu a l'auter. E magari fa quai schizunt l'impressiun dad esser fan-fiction. Dentant quai fiss lura buna fan fiction, perquai che la tensiun è anc adina qua. Er sche Harry, Ron e Hermine (ch'è dal reminent daventada ministra da magia) n'èn betg pli ils acturs principals, cun il figl da Harry, Albus Severus, e ses meglier ami Scorpius Malfoy, grategia quai tuttina a Rowling da tegnair il lectur cun il nas en il cudesch.

RR actualitad 11:00

Artitgels legids il pli savens