Totalmain vegnan pajadas contribuziuns da bunamain 61 milliuns francs. Il potenzial da resursas decisiv per l’onn da gulivaziun 2021 è s’augmentà per passa 3% sin 813 milliuns francs.
La differenza en connex cun il potenzial da resursas è creschida: Ella tanscha da la vischnanca da Furna ch’è actualmain la pli debla, fin la vischnanca da Farera ch’è la pli ferma. 23 vischnancas survegnan contribuziuns ord la gulivaziun da las grevezzas socialas – totalmain 3,3 milliuns francs. Da quai va la gronda part a la citad da Cuira.
Gulivaziun da las grevezzas da muntogna restan tuttina
Or da la gulivaziun da las grevezzas da muntogna e da scola – survegnan las 42 vischnancas legitimadas gia sco l'onn passà 24 milliuns francs. Quels daners vegnan mess a disposiziun cumplainamain dal chantun. Cun 2 milliuns francs survegn la vischnanca da Tavau la pli gronda cumpart.