Siglir tar il cuntegn
Inhalt

Chantun Gulivaziun da finanzas 2018: 29 milliuns per 70 vischnancas

La regenza grischuna ha fixà las contribuziuns da gulivaziun per l'onn 2018. Da las total 108 vischnancas el Grischun, survegnan 70 vischnancas flaivlas da finanzas total 29,2 milliuns francs ord la gulivaziun da resursas.

Las contribuziuns vegnan messas a disposiziun dal chantun e da las 38 vischnancas fermas da finanzas. Il chantun paja radund 9,1 milliuns francs, e las vischnancas fermas da finanzas da lur vart 20,1 milliuns francs.

Dapli daners ch'anc l’onn passà

En cumparegliaziun cun las contribuziuns per l’onn 2017, vegn l’onn 2018 pajà 1,6 milliuns francs dapli a vischnancas flaivlas da finanzas. Sustegnidas vegnan talas vischnancas ch’èn surchargiadas en il sectur da l’agid social material.

Las valurs directivas da la gulivaziun da resursas da l'onn 2018 vegn il Cussegl grond a fixar definitivamain cun il preventiv dal 2018.

RR novitads 09.00