Siglir tar il cuntegn
Inhalt

Chantun Grond’onur per Ursina Lardi

L'actura grischuna Ursina Lardi ha survegnì a Lugano l'Anè Hans Reinhart, il pli impurtant premi dal teater svizzer.

Cusseglier federal Alain Berset gratulescha a l'actura Ursina Lardi.
Legenda: Cusseglier federal Alain Berset gratulescha ad Ursina Lardi. Keystone

Per la giuria è Lardi ida consequentamain ina lunga via, ella persvadia cun radicalitad e virtuositad. Dapi sia furmaziun a Berlin na saja ella betg mo in'appreziada actura da films, mabain era da chasa sin diversas tribunas da teater tudestgas. Il 2012 è Ursina Lardi daventada commembra fixa da la Berliner Schaubühne.

L'actura Ursina Lardi
Legenda: Ursina Lardi ha bel rir cun l’Anè Hans Reinhart vi dal maun. Keystone

Onns da furmaziun

Ursina Lardi è naschida a Samedan e creschida si en il Puschlav. Suenter emprender da scolasta primara a Cuira, hai tratg ella il 1992 a Berlin. Fin il 1996 ha Lardi studegià a la Scol’auta per l’art da teater “Ernst Busch”.

Premi bain dotà

L'Anè Hans Reinhart è vegnì surdà a Lugano per la 60avla giada, quai en il rom da l’avertura per il quart inscunter da teater svizzer. Il premi è dotà cun 100’000 francs. El vegn surdà da la Societad svizra per la cultura dal teater.

RR novitads 22:00