Il chantun Grischun ed era ulteriurs chantuns en Svizra tudestga èn schon oz organisads ed han quellas controllas da quantum, qualitad e commerzi dal vin. Quellas controllas chantunalas duain svanir. La Confederaziun vul centralisar.
Tenor GrischunVin vegn uschia tut pli cumplitgà, pli birocratic e probabel era pli char en quest mument che tut las controllas vegnan fatgas da Berna anora. Memia lunsch va per GrischunVin che quella nova instanza federala dastga era controllar las finanzas e la contabilitad dals viticulturs. Anc in mais han viticulturs e pertutgads temp da trametter lur propostas e critica a Berna. Fin lura cuzza la consultaziun davart la nova ordinaziun da vin.
Novs projects per la creaziun da valur
Sch'i va tenor l'uniun da branscha GrischunVIN duain 60% da las vegnas grischunas vegnir cultivadas a moda biologica fin il 2020, il project sa numna «Biovision2020». Quai è vegnì ditg a chaschun da la radunanza generala al Plantahof a Landquart. Las monoculturas vigna duain vegnir tgirads pli conscientamain.
Plinavant ha GrischunVIN mess l'ustaria «Alter Torkel» a Jenins en il center da las activitads. Suenter che quella è vegnida transfurmada l'onn passà en la «Chasa dal vin grischun» èsi pussaivel da far en quella guidadas che porschan invista pli fundada en la viticultura grischuna.
RR novitads 06:00