Siglir tar il cuntegn
Inhalt

Chantun Grischun: Revisiun totala da la lescha da tgira

La regenza ha deliberà la revisiun totala da la lescha vertenta da l'onn 1979. Sco quai che la regenza communitgescha vegnia meglierada considerablamain la survesaivladad ed uschia la chapaivladad e la legibladad da la lescha.

Dunna en ina chasa da tgira.
Legenda: La revisiun totala formala duai meglierar la survesaivladad e la chapaivladad e la legibladad da la lescha. (maletg da simbol). Keystone

Il december 2016 ha la regenza fatg ina consultaziun tar la revisiun parziala da la lescha per promover la tgira da persunas malsaunas. Ils puncts da revisiun han per gronda part chattà accoglientscha. Perquai ha la regenza concludì da far ina revisiun totala da la lescha per promover la tgira da persunas malsaunas empè da la revisiun parziala.

Simplifitgar la lescha

Grazia a la revisiun totala formala vegn meglierada considerablamain la survesaivladad ed uschia la chapaivladad e la legibladad da la lescha. En spezial crodan davent las lingias vidas ch'èn restadas perquai che numerus artitgels da la lescha èn vegnids abolids sco er las tabellas da las midadas da pliras paginas.Ultra da quai è vegnida meglierada la sistematica da la lescha envers la lescha vertenta.

La revisiun totala da la lescha cuntegna da nov 61 artitgels envers la lescha vertenta cun 101 artitgels.

Il tractament da la missiva tar la revisiun totala da la lescha per promover la tgira da persunas malsaunas è tractandà per la sessiun d'avust 2017 dal cussegl grond. La nova lescha duai entrar en vigur il 1. da schaner 2018.

RR novitads 09:00