Siglir tar il cuntegn

Chantun Grischun: Protecziun cunter incendis duai vegnir adattada

La regenza grischuna ha deliberà il sboz per ina revisiun parziala da la lescha davart la protecziun cunter incendis. Quai per mauns dal cussegl grond.

uder da pumpiers rullà ensemen
Legenda: Per mantegnair ils indrizs d'aua da stizzar fieu duai la lescha per la protecziun cunter incendis vegni adattada. Keystone

Cun questa revisiun parziala vegn stgaffida ina basa giuridica per che l'assicuranza d'edificis grischuna po conceder contribuziuns a las vischnancas. Contribuziuns per che las vischnancas possian garantir la qualitad ed il mantegniment dals indrizs d'aua da stizzar fieu.

Ils indrizs sajan actualmain installads en praticamain tut las vischnancas ed en in bun stadi. Ussa valia quai da mantegnair ils indrizs uschia ch'els correspundian era adina a las pretensiuns qualitativas, scriva la regenza en ina communicaziun.

RR novitads 09:00