Senza cuntravuschs han ils deputads dal Cussegl grond decidì che la regenza duai sclerir, sch'il chantun Grischun duai candidar sco lieu ospitant dals World Skills.
Il deputà Alessandro Della Vedova ha menziunà che las premissas per ina candidatura sajan surmuntablas. Il Grischun haja avunda temp da sa preparar per ina candidatura – quai schebain per l'ediziun dal 2025, sco er quella dal 2023. Plinavant haja il Grischun avunda pussaivladads da dar alloschi als participants. Las hallas ch'èn necesarias pudessan ins metter a disposiziun cun bajetgs temporars. Ed er la summa d'investiziun, che munta a 100 milliuns francs, respectivamain 50 milliuns francs per il maun public, sajan per il Grischun nagin problem.
RR novitads 17:00