Grippa sa derasa en il Grischun e Tessin

En il Grischun ed il Tessin sa derasa la grippa. En omadus chantuns han en media dapli medis annunzià cas suspects da grippa ch'en auters chantuns e regiuns da la Svizra.

persuna e letg cun te che vegn fatg

Legenda da maletgs: Il dumber da suspects da grippa è tar 122 pro 100'000 abitants. Keystone

Omadus chantuns han quintà l'emna passada cun 122 cas suspects da grippa pro 100'000 abitants. Quai munta che la grippa è la pli activa en il Grischun e Tessin, cumpareglià cun tschellas regiunas mesiradas da la Svizra (guarda tabella).

Nagina epidemia malgrà surpassament da la limita

Dad ina epidemia na discurra l'Uffizi federal per sanadad publica betg, era sche la cifra surpassa cleramain la limita. Per ina epidemia vala la limita dad almain 70 persunas pro 100'000 abitants che van tar il medi cun suspect da grippa.

La basa da cifras che vegnan calculadas en las singulas 6 regiuns na tanschia betg per la valitaziun d'epidemia. Questa cifra da 70 pro 100'000 abitants vala per definir l'epidemia cun la cifra media en Svizra. Questa munta però mo a 35 cass pro 100'000 abitants.

Il pli derasà en il Grischun e Tessin

En las ulteriuras regiuns è il dumber da cas suspectads da grippa marcant pli bass. En la Svizra franzosa è la grippa activa sporadicamain, en la Svizra tudestga quasi betg.

RR novitads 15:00

Derasaziun da la grippa en Svizra tenor l'Uffizi federal per sanadad

Regiun (tenor Uffizi per sanadad)
cas da consultaziuns tras grippa
(media pro 100'000 abitants)
activitad (trend)
GR, TI122derasà (-)
LU, NW, OW, SZ, UR, ZG42nagina (-)
AG, BL, BS, SO31nagina (-)
AI, AR, GL, SG, SH, TG, ZH15nagina (-)
BE, FR, JU7sporadic (-)
GE, NE, VD, VS0sporadic (-)
Svizra35sporadic (-)