Siglir tar il cuntegn

Header

Navigaziun

Legenda: Guardar il video VIVA vul far pli enconuschent la cuschina grischuna. Durada 02:56 minutas.
Or da Telesguard dals 19.04.2018.
cuntegn

Chantun «graubündenVIVA – giudiment ord ils culms» po vegnir realisà

Il Grischun duai daventar il center da la cultura alpina da giudiment. Per quest intent ha la regenza grischuna concedì a l'uniun graubündenVIVA ina contribuziun da maximalmain bun 4,7 milliuns francs, quai en il rom da la nova politica regiunala NPR.

La mesadad da questa contribuziun deriva da la confederaziun. Per realisar il program èn budgetads custs totals da circa 17,5 milliuns francs. La finamira è quella da posiziunar e da rinforzar il Grischun sco lieu agricul ed economic.

Ina uniun che coordinescha

Concret vul l'uniun graubündenVIVA unir tut ils gastronoms e producents grischuns sut in tetg. L'uniun vul porscher per projects existents e producents regiunals ina communicaziun e reclama professiunala. Nua ch'i dovra vul l'uniun era vegnì sezza activa ed innovativa cun atgnas occurenzas e projects.

Cumenzament a partir dad immediat

Durant ils proxims quatter onns vul l'uniun esser preschenta a differentas occurenzas da la gastronomia. Il cumenzament fa l'uniun gia il matg. A partir dal matg dal 2019 duai ver lieu ina "festa da gusts" per l'entir chantun Grischun enturn cun differentas occurenzas.

RR actualitad 17:00