La scola auta da pedagogia dal Grischun elavura actualmain in nov med d'instrucziun da lingua analog e digital per la segunda enfin la novavla classa, en ils quatter idioms puter, sursilvan, sutsilvan e vallader. Sco emprimas publicaziuns en il rom dal project «MEDIOMATIX» èn cumparidas grammaticas unitaras. Questas grammaticas furman la basa linguistic-teoretica dal med d'instrucziun e stattan a disposiziun immediat a persunas d’instrucziun sco era a scolaras e scolars. Tenor communicaziun dal chantun fetschia la grammatica urden en la babilonia da las noziuns grammaticalas e faciliteschia la chapientscha per structuras formalas. Plinavant èn las grammaticas cumpatiblas cun il Plan d’instrucziun 21.
La proxima publicaziun en il rom dal project da meds d'instrucziun «MEDIOMATIX» è planisada per l'onn da scola 2018/2019.
RR novitads 11:00