Gottard 2016: Ils promis grischuns

Tranter las radund 1'100 persunas envidadas a l'avertura dal tunnel da basa dal Gottard sa chattava era prominenza politica dal Grischun.

Christian Rathgeb e Mario Cavigelli vid ir a pe accumpagnads dal salter en cumplaina unifurma, davostiers ina locomotiva da las Viafiers federalas

Legenda da maletgs: Ils cussegliers guvernativs dal Grischun Christian Rathgeb e Mario Cavigelli, accumpagnads dal Salter Giuli Maissen RTR, L. Livers

Cussegliers naziunals, cussegliers dals chantuns e schizunt deputads: Era Grischunas e Grischuns èn stads preschents a las festivitads da l'avertura dal tunnel da basa dal Gottard. E quai tranter tut la prominenza naziunala ed internaziunala.

Da la regenza Grischuna è il directur per segirtad, sanadad e giustia Christian Rathgeb stà en il lieu…

… ed era il directur dal departement dal departament da construcziun, traffic e selvicultura.

Politica naziunala

En il tren da prominents – il segund tren da passaschiers ch'è passà tras il tunnel nov – èn sa rimnads las politicheras ed ils politichers naziunals ed internaziunals. Uschia è era l'Assamblea federala quasi unida sesida en ils sezs da tren. Tranter els il Cusseglier dals chantuns grischun Stefan Engler. Era là, però betg en il tren è stà il Cusseglier naziunal Heinz Brand.
In gust amar – u bain trist – pervia da la na realisaziun da la Porta alpina resta enavos, malgrà la legria per l'avertura dal tunnel.

Ed era in deputà dal Cussegl grond dal Grischun è stà da scuntrar en il tren da 'VIPs'. Quai forsa era en sia funcziun da muntada naziunala sco president da la Iniziativa da las Alps.