Siglir tar il cuntegn
Inhalt

Chantun Glindesdi: A pe da Puntraschigna a Bravuogn

Noss redactur Gian-Marco Maissen ha duas patrias: Puntraschigna e Surrein. Quest’emna vul el emprender d'enconuscher la glieut tranter ils dus vitgs e quai cun chaminar 140 kilometers a pe da da l'Engiadina fin en Surselva.

A l’entschatta da l’emna ha noss redactur Gian-Marco Maisssen cumenzà ses viadi da partia a patria. El è creschì si a Puntraschigna ed ha visità là tut sias scolas. Sias ragischs giaschan dentant a Surrein. Ses geniturs derivan numnadamain omadus da la Cadi en la Surselva. Il viadi da Puntraschigna a Surrein ha el schon fatg bleras giadas, per exempel cun auto u cun tren. Ma a pe anc mai. Quest'emna vul Gian-Marco Maissen midar quai e va perquai a pe davent da patria a tschella patria.

Glindesdi 01-08-2016: Puntraschigna – Fuorcla Crap Alv – Bravuogn

Di 1: Puntraschigna - Bravuogn
Legenda: Di 1: Puntraschigna - Bravuogn SchweizMobil

Temp d'arrivada (circa):

07:00 Puntraschigna
08:00 Samedan
08:30 Bever
10:00 Spinas
12:00 Fuorcla Crap Alv
14:30 Preda
16:30 Bravuogn

Tar la ruta reala che Gian-Marco ha fatg., il link avra en ina nova fanestra

Arrivà sin il pli aut punct

Legende: Video In sigl en il lai da Crap Alv abspielen. Laufzeit 00:21 Minuten.
Or da RTR dals 01.08.2016.

l'emprim di fa Gian-Marco Maissen passa 30 kilometers ed en quests 30 kilometers è era il pli aut punct da la ruta sin passa 2’400 meters sur mar: la furcla Crap Alv.

Sin la furcla Crap Alv tranter Bever e Bravuogn è Gian-Marco Maissen arrivà il glindesdi da mezdi – in bun mument per siglir en il Lai Crap alv.

L’emprima notg a Bravugn

Per ses viadi n'ha Gian-Marco Maissen betg organisà plazs da durmir. Perquai ha el dumandà ils auditurs dal Radio Rumantsch da dar ad el in tetg sur il chau per las notgs vegnintas.

Ed in letg ha el chattà a Bravuogn tar Dorli Josty. Ma betg mo durmir ha el dastgà tar Dorli Josty e sia famiglia, era ha el pudì festivar cun els l'emprim d’avust en lur vitg.

Prender si contact

Vais vus in lieu da durmir per Gian-Marco Maissen? Enconuschais vus ina istorgia speziala da voss vitg u avais vus sez ina interessanta istorgia da raquintar? Lura scrivai u telefonai gist direct a Gian-Marco Maissen sin il numer 079 877 31 98.