Siglir tar il cuntegn
cuntegn

Chantun Glatsch nair en Engiadin'Ota

Divers lais en Engiadin'Ota èn cuverts cun glatsch ed i n'ha anc nagina naiv sisura. La destinaziun fa reclama per ir cun patins. Star attent sto mintgin sez.

En Engiadin'Ota datti gia lais pitschens ch’èn schelads, sco per exempel il Lej Marsch u il Lej da Staz enturn San Murezzan e Schlarigna. La destinaziun Engiadina San Murezzan fa reclama per ir cun patins sin quests lais. Quai na saja dentant nagin problem pervia che la destinaziun rendia era attent sin il privel.
Mintgin stoppia a la fin dals quints decider sez sche il glatsch tegna u betg di la destinaziun. Era ils responsabels da las vischnancas dals lais en Engiadin'Ota dian cler e net: «Las vischnancas na surpiglian betg la responsabladad sche insatgi va sin in dals lais per il cas che i capitass in accident».