Siglir tar il cuntegn
cuntegn

Chantun GKB serra filialas da Sursaissa e Sent

Tenor communicaziun vegnia fatg adina damain diever dals servetschs da spurtegl e per cussegliaziuns sa drizzia ina gronda part da la clientella gia oz a las sedias regiunalas a Glion e Scuol. Blers dals affars bancars vegnian plinavant rugalads a moda electronica.

Purtret dal logo da la Banca Chantunala Grischuna.
Legenda: La Banca Chantunala Grischuna serra duas filialas e slargia la purschida da quella da Glion. RTR, F. Cajochen

La Banca Chantunala Grischuna examineschia mintgamai sch'i rendia da salvar ina filiala cura che la dumonda en il lieu giaja enavos marcantamain. Servetschs al spurtegl vegnian dapi onns duvrads pli e pli pauc. Quest trend vegnia anc a cuntinuar uschia ils proxims onns pervi da la digitalisaziun. Bleras chaussas pon gia uss vegnir fatgas online. Quests motivs hajan motivà la decisiun da serrar las duas filialas, damai che bleras persunas sa drizzian per cussegliaziuns gia oz a Glion u Scuol.

Dentant saja la Banca Chantunala Grischuna er cuntenta da pudair communitgar che la banca a Glion vegnia bajegiada enturn. La filiala duai er avair pli lungs temps d'avertura ch'enfin uss.

RR novitads 12:00