Siglir tar il cuntegn

Chantun Giochen Bearth è nov veterinari chantunal

Giochen Bearth è il nov veterinari chantunal e manader da l'uffizi per la segirezza da victualias e per la sanadad d'animals.

Veterinari.
Legenda: Giochen Bearth daventa nov veterinari chantunal. MAD / Chanzlia chantunala

La regenza grischuna ha elegì Bearth sco successur da Rolf Hanimann che va en pensiun en uffizi l'entschatta dal 2019. Hanimann è stà bun 11 onns veterinari chantunal.

Giochen Bearth ha 57 onns e vegn da Sumvitg. Passa 20 onns ha el lavurà en sia atgna pratica da veterinari. Dapi il matg 2010 lavura el a Cuira sco substitut dal veterinari chantunal tar l'uffizi per la sanadad d'animals.

RR novitads 09:00