Siglir tar il cuntegn

Chantun Gievgia Grassa a Domat

Il tschaiver ha cumenzà oz a las 06:00h en vias e giassas da Domat. Differentas musicas da tschaiver han sunà en differents lieus e procurà per buna luna.

Oz, tranter las 06:00 e 08:00h, han las musicas da tschaiver: Moorschlümpf, Sgarella, Tschapatalpas, Rumplanadas e la gruppa da tamburs fatg canera e procurà per buna atmosfera en las vias da Domat. Bleras persunas han gia sautà e chantà la bun'ura da stgir – cunzunt giuvenils. Domat festivescha il tschaiver cun gronda premura e plaschair – pign e grond èn da la partida.

Legende: Video Til matutin a Domat abspielen. Laufzeit 1:09 Minuten.
Dals 08.02.2018.

Suenter las 8:00h han las differentas gruppas da tschaiver visità ustarias, butias sco era la scola primara e superiura da Domat.

Il suentermezdi ha lura il grond til da tschaiver da Domat gi lieu. Nua che tuts pon preschentar lur costums, ch'els han per part gia prepara da ditg. E la saira pon ins festivar vinavant cun las musicas da tschaiver sin ils plazs publics sco era en las ustarias.

Legende: Video Confettis, colurs e canera a Domat abspielen. Laufzeit 1:20 Minuten.
Or da Telesguard dals 08.02.2018.

RR actualitad 06:00