Siglir tar il cuntegn

Header

Navigaziun

Gaudenz Bavier e Josias Gasser.
Legenda: Schibain Gaudenz Bavier, president PVL, sco era Josias Gasser sustegnan gieus olimpics. RTR, Gierina Gabriel
cuntegn

Chantun Gieus olimpics 2026: Quella giada din ils Verdliberals gea

Ils Verdliberals dal Grischun han decidì las parolas per las votaziuns dals 12 da favrer. Per il credit da candidatura per ils gieus olimpics e paralimpics 2026 han els decis in gea. Era ils trais projects da votaziun sin plaun federal han els approvà.

Malgrà ch' els din gea al credit per la candidatura saja quai in gea cun cundiziuns, declera il president dals Verdliberals Grischuns, Gaudenz Bavier. «Per nus èsi impurtant ch' ils contracts sozials vegnan risguardads e ch'i vegn era dà prioritad als interess dalla natira.» La persistenza, il svilup persistent dal chantun ma er la credibilitad e la transparenza sajan impurtants aspects. Plinavant duai era dar ina partizipaziun. «Il pievel, las partidas e tut las gruppas d' interess duain vegnir integradas en quest prozess», uschia Bavier.

Era Gasser votescha gea

Diltuttafatg unanimamain han ins betga votà. Il 2013 era Josias Gasser anc sceptics envers gieus olimpics. Ils 12 da favrer vegn el dentant a votar gea, sco quai ch' el declera envers RTR. «Igl é dentant cler, ch'i dependa tge che vegn anc a capitar en il temp enfin tar la votaziun 2018», manaja el.

RR novitads 06:00