Siglir tar il cuntegn

Header

Navigaziun

anes olimpics a vancouver
Legenda: Gia als gieus olimpics d'enviern 2010 a Vancouver stuevan fans quintar cun lungs viadis. Keystone
cuntegn

Chantun Gieus decentrals - betg propi l'emprima giada

Infurmaziuns e valitaziuns da gieus centrals u decentrals dal redactur da sport Roman Dobler.

Las concurrenzas repartidas sin 9 differents lieus, plazzas da la surdada da las medaglias datti 4. Cumpareglià cun ils gieus a Sotschi (2014) ubain Torino (2006) paran ils eventuals gieus olimpics grischuns decentrals. Tant Sotschi sco Torino eran las citads centralas, e las disciplinas giuadora han gì lieu en las muntognas vischinontas.

Distanzas eran il 2010 a Vancouver per part anc pli lungas

Propi decentrals n'èn ils gieus olimpics a Vancouver (2010) betg stads, però deva quai gia là lungas distanzas. Las disciplinas giuadora eran là situadas a Whistler Mountain, quai ch'è a stgars 4 uras viadi davent da Vancouver. Quai ch'è da Cuira a Turitg per exempel pli curt.

Sfida per ils fans ed aspectaturs

Ina gronda sfida èn gieus decentrals per aspectaturas ed aspectaturs. Surtut fans da pliras differentas disciplinas ston coordinar bain. In fan da hockey sin glatsch (Turitg) e cursas da bob (San Murezzan) ha gronds viadis – en quest cass concret cun 4 uras viadi.

RR actualitad mezdi 11:00