Chantun - Gieus dal HCD dovran da nov ina permissiun dal chantun
Gieus da ballape u da hockey da la pli auta liga dovran en l’avegnir ina permissiun dal chantun. Quai preveda il concordat cunter la violenza ad occurrenzas da sport, ch’il Cussegl grond ha approvà cun gronda maioritad.
Tar mintga permissiun po il chantun uschia pretender ulteriuras mesiras da segirtad. En il Grischun è sulettamain il Club da hockey da Tavau pertutgà da las mesiras da quest concordat.
Permissiun per l’entira stagiun
Cunquai ch’ils fans dal HCD na chaschunian betg gronds problems, possia il chantun dentant dar ina permissiun per l’entira stagiun, uschia il cusseglier guvernativ Christian Rathgeb.
