Gian-Reto Meier-Gort nov manader da la KESB dal Grischun dal nord

La regenza grischuna ha elegì Gian-Reto Meier-Gort sco nov manader da l'autoritad per la protecziun d'uffants e creschids dal Grischun dal nord KESB. L'um da 37 onns è actualmain commember da l'autoritad da la KESB e docent a la scola spezialisada superiura da pedagogia sociala a Zezras.

Gian-Reto Meier-Gort

Legenda da maletgs: Gian-Reto Meier-Gort: Il nova manader da la KESB Grischun dal nord. mad

Gian-Reto Meier-Gort remplazza Peter Dörflinger che surpiglia il settember la direcziun da la KESB da l'Appenzell dador. Sco manader da la KESB Grischun dal nord vegn Meier-Gort a surpigliar il timun organisatoric dal pli grond dals 5 uffizis spezialisads en il sectur da la protecziun d’uffants e creschids cun 23 collavuraturs, scriva la regenza grischuna.

La KESB Grischun dal nord è responsabla per ils circuls da Lanquart, Plessur e Plaun. En pli vegn el er a seser en la gestiun da la KESB Grischun che sa cumpona dals 5 manaders dals uffizis spezialisads. Meier-Gort è maridà e bab da dus uffants.

RR novitads 10:00