La radunanza da delegads da la Corporaziun da vischnancas per l’allontanament da rument en il Grischun GEVAG ha approvà il rapport annual da l’onn 2017. Il quint serra cun in surpli da radund 280'000 francs – quai tar ina svieuta da 23 milliuns francs.
Plinavant ha la GEVAG infurmà davart l'avertura dal nov edifizi d'administraziun il mars 2018. Ultra da quai è la gruppa da turbinas 1 vegnida sanada totalmain – quai suenter 28 onns da manaschi. A quella chaschun è la regulaziun convenziunala idraulica vegnida remplazzada cun ina electronica.
Per il giubileum da 50 onns envida la GEVAG la fin d'emna dals 22 e 23 da settember tut ils interessads ad in di da portas avertas.
RR novitads 20:00