Siglir tar il cuntegn

Header

cuntegn

Chantun «Genosse» – ina locuziun anc oz actuala

Il prim da matg è il di da lavur. E quel vegn festivà sin l’entir mund. Quai perfin pli savens che Nadal. Ils pleds festivs vegnan savens cumenzà cun «Genosse», per rumantsch cumpogn. Tge vul quai dir? Tge istorgia sa chatta davos questa locuziun?

audio
Saira: Jon Pult declara la derivanza e muntada dal pled «cumpogn»
ord Actualitad dals 01.05.2017.
laschar ir. Durada: 2 minutas 13 Secundas.

«Stimadas cumpognas, stimads cumpogns..» questas entschattas da pleds èn a nus tuts enconuschents. E quai principalmain da la politica sanestrà. Il pled cumpogn deriva dal pled latin cumpanis, e vul dir rumper e magliar cuminaivel paun.

Il moviment da lavurers e socialists ha alura prendì questa locuziun, pli probabel en la segunda part dal 19avel tschientaner, per numnar uschia lur camarats da cumbat.

Era la giuvna generaziun dovra il pled cumpogn

Silsuenter è quest pled s’etablì en la politica sanestra da l’entira Europa. Ed ozendi ha questa locuziun ina gronda valur simbolica e tradiziunala. Che vegn, tenor Jon Pult ch’è istoricher e deputà da la PS en il Cussegl Grond, anc adina duvrà en la partida. E quai na betg mo da la veglia generaziun.

RR actualitad 17:00

Artitgels legids il pli savens